[餐廳分享。談心高質餐廳LOST STARS LIVEHOUSE BAR & EATERY @大角咀

LOST STAR精選小食拼盤

拼盤入面有好多款唔同小食 炸物脆口,裹住薄薄一層炸粉，唔會太油膩 有炸雞搥&炸牛油果 第一次食炸牛油果，十分香口， 咬落外脆內軟好香，不油膩熱氣，好似食緊炸薯條 另外有炭燒魷魚串，海蝦，炭燒味十足 仲有一大舊蜜糖布利乳酪同埋仲有三款秘製醬汁， 為呢個拼盤帶來份外嘅滋味 嗌咗個Dinner Set 除咗跟餐送一碗餐湯同埋無酒精飲品之外， 仲可以用優惠價換小食或者半價甜品 是日餐湯 好creamy 同埋食到啖啖蟹肉絲

香煎三文魚配Mozzarella 芝士

三文魚煎得啱啱好，帶少少粉橙色 上面配mozzarella cheese 鹹鹹地， 煙煙韌韌，配上車厘茄 下面有蘆筍同埋薯蓉 薯蓉好creamy

呢杯嘢飲落有驚喜，感覺好清新 用咗青瓜，西柚，荔枝同Tonic water調製 飲落以青瓜味為主 之後慢慢有淡淡荔枝同西柚味 加埋tonic water變成有汽嘅mocktail 喜歡試新野嘅朋友可以嘗試！

黑松露薯條配黑松露巴馬臣芝士豆乳醬 薯條炸得香脆不油膩，黑松露味好突出

蟹蝦肉牛油果沙律墨西哥餅 墨西哥餅上面有滿滿嘅蟹肉同康提芝士碎， 餅底薄薄脆脆，另外仲有牛油果醬 味道有少少辣，但可以接受同值得一試

炙燒松葉蟹膏意大利飯 上面有澳洲海膽，好鮮甜，淡淡海水味！又唔腥 仲有大大粒北海道刺身帶子，鮮甜爽口 Risotto 有淡淡的蟹膏香味 香濃得來唔會太膩

最後甜品叫咗tiramisu 一大杯tiramisu 上面鋪滿可可粉 食落覺得好creamy~ 有士多啤梨脆脆，藍莓同士多啤梨伴碟