我年年不論送咩禮物，我都會親手DIY 張卡俾佢(^_^)
我媽媽好鍾意收我哋親手整既小製作!(^^)!
雖然唔係咩貴野，但勝在有心♥♥♥ 年年都哄得佢好開心，哈哈！
加上而家好多人都將手藝變得易學，簡單，大眾化。
只要肯花一點時間，真係邊個都可以係手作人（●＾o＾●）
好啦！入正題lu,,,今次我整既係拉卡式既心意卡^_^
首先，要準備以下材料：
♥捲紙針 x 1 ♥厚身膠貼 x 6
♥紙條 (不同顏色) x3 ♥剪刀
♥花紋卡紙 x 2 ♥界刀
♥底卡紙 x 3 ♥白膠漿
♥透明膠條 x 1 ♥雙面膠紙
♥景物畫參考圖 x 1 ♥筆
(((係咪睇落好多材料要準備？！其實一個package 咁買已經有齊晒啲物資嫁！∩__∩)))
好！事不宜遲！開始製作lu(′▽`〃)
Step 1:
先選取一張底卡紙，拼上你鍾意既景物畫參考圖，用力沿圖案邊畫一次。
拎開景物畫參考圖，底紙上會出現岩岩繪畫既筆痕，沿筆痕畫出圖案。◑﹏◐
Step2: (整大禮物盒)
先揀兩條紙條，再用白膠漿按駁好。
再將紙條放入捲紙針既虛位中，向反方向(即向外) 一圈一圈將紙條捲起來。
將紙卷慢慢從捲針取出，並於紙條接口塗上白膠漿。
***小提示：唔好將紙捲得太緊，否則會緊緊地捲係針上，難以取出。
捲紙時，食指放於紙頂部，以免紙條向上鬆掉。***
Step3:
用兩手於紙卷左右兩邊壓落去，令佢呈「眼型形」。
之後，兩手於紙卷另外兩邊壓落去，令紙卷變成正方形。
然後，塗上白膠漿，貼係已畫好圖案既底卡紙上。
至於小禮物盒只須用一條紙條，並重複以上動作。
Step4:
完成大小禮物盒後，就可繫上「絲帶」。
先將黃色紙條剪開一半，長度係根據返禮物盒既高度，再塗上白膠漿，貼係禮物盒上。
再將岩岩剪既另一半黃色紙條用捲針捲起，並貼係小禮物盒頂。
Step5: (禮物盒蝴蝶結)
首先將1/4 黃色紙條用捲針捲出小紙卷，需捲2個小紙卷。
用兩手指將紙卷向一邊壓落去，令佢呈水滴形 (圖3)
跟住，用另一隻手指係拱圓邊中間向下壓，蝴蝶結形就出來luuu⊙▽⊙
塗上白膠漿，直貼貼落底卡紙上。
Step6: (煙花)
係銀色紙條2/3 位置橫向界痕 (唔使界掉紙條，界出痕跡就得)
沿住紙條打直剪，剪至横向痕跡既位置。
***小提示：銀色紙條既長度可隨意決定，視乎你想要幾大粒煙花***
將剪好既銀色紙條放入捲紙針既虛位中，向反方向一圈一圈將紙條捲起來，
並於紙條接口處塗上白膠漿。 直接貼上底卡紙上。
再用牙簽鬆開銀色紙卷頂部位置，慢慢煙花效果就會呈現出來。
好啦，Part 1大功告成！！└(^o^)┘
準備進入Part 2既拉卡做法！(︶^︶)
Step1:
於其中一塊底卡紙既左右兩邊，直向咁用界刀界一下。
將膠片放入界出既虛位中，係左手邊膠片貼上雙面膠紙(圖2)
再從左向右方將膠片疊起，將膠片貼埋一齊。
Step2:
膠片黏貼後，將膠片既接駁位移向右邊，係右邊貼上雙面膠紙(圖2)
然後將花紋卡紙正向貼上(圖3)
反向另一面，同樣係右邊貼上雙面膠紙，再將花紋卡紙背向貼上(圖4)
***小提示：正向貼上花紋卡時，請預留一小部份位置突出來，等完成作品時，方便拉出花紋卡。***
最後：
於底卡紙正面同背面，上下都貼上厚身膠紙(圖1)
然後將最後一張底卡紙貼係背面(圖2)
貼上左裝飾既底卡紙就貼係正面(圖3)
然後就可以拉開兩邊既花紋卡(圖4)
寫上你既心意！♥♥♥
整呢張拉卡式心意卡，一個鐘都唔使！ 你哋都可以試下整！送俾媽媽既一點心意！♥♥♥
材料由ARTailor 提供。
Facebook: ARTailor
Email: info.artailor@gmail.com
希望大家鍾意我既分享啦♥♥♥
如果你哋鍾意我既分享，不妨subscribe 我啦♥♥♥
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
歡迎邀請我試用或邀稿：
Email: kath.hooo113@gmail.com
BeautyExchange: http://www.beautyexchange.com.hk/blog/kath_hooooo
she.com: http://blog.she.com/kathooooo/
Glamaclub: http://kathooooo.glamaclub.com/
沒有留言:
張貼留言